*&* ازاى تملكى قلب حبيبك ومش هو الى يملك قلبك ؟؟ *&*
كاتب الموضوع
رسالة
Dody :: عضو جديد ::
النشاط : 60
موضوع: *&* ازاى تملكى قلب حبيبك ومش هو الى يملك قلبك ؟؟ *&* الخميس 15 أبريل - 8:19:11
كل انثى ليها صفاتها الخاصه اللى بتختلف بيها عن غيرها شكلها صوتها لونها حتى ريحتها حتى لمسه ايدها كلهم مختلفين لكن فى نفس الوقت .... قال الرجل عليهم انهم ... كللللللللللللهم واحد وكلهم يا اما وجع للقلب او للجيب او للعقل او التلاته سوا بس حوا عندها مليون تبرير وسبب ان ده موش صح انا جاية اقولك حاجه ليكى .....ايه اكتر الاسباب اللى تخليكى تملكى قلب ادم وفكرى بقى .. ايه فى الحاجات دى فيكى وايه موش فيكى وفكرى ..... ادم اللى عايزاه؟؟؟ ( يستاهل ) الحاجات دى فعلا ولا .... يفتح الله الموضوع راجعلك انتى
اول سبب %%%%% الانوثه %%%%%%
ادم ..... راجل ... يعنى تصنيفه انه راجل .... يبقى ايه اللى ينقصه ؟؟؟ اكيد انثى ...والانوثه هى اول واهم واسرع حاجه بيشوفها فيكى الانوثه .... موش معناها الدلع وموش معناها لبس ضيق وموش معناها مشيه ما ولا حركه ما ولا كلمه بشكل ما الانوثه .... انك تبانى انثى فى شكلك وصوتك ومظهرك وحتى الفاظك وحركاتك يعنى .,... ادم (- الطبيعى -) موش حيحب البنت اللى بتلبس زيه ولا بتقعدد عاالارض وعالرصيف ( بشكل مشابه ليه ) باى شكل ادم .. موش حيحب البنت اللى حتقوله ازيك يا مان ..وترفع ايدها لفووووق زيه وتسلم عليه ( سلام رجاله ) !!!!!! مانا بقولك ... هو لو عايز حد شكله كان حب واحد تانى ادم برضه
تانى حاجه %%%%% الأمومه %%%%%% ايوه الامومه ... ما تستغربيش ادم بيحب الام حتى فى حبيبته ..... بيحب اللى تعرف مدخل الامومه اللى تدخله منه هل من مدخل الحنان ... ولا من مدخل الاهتمام ... ولا من مدخل الخوف عليه ماهو برضه زى ما كل حوا مختلفه عن التانيه ادم برضه مختلف وكل ادم بيدور على ام تانيه فى حبيبته .. ( ام )فيها اى حاجه ما كانتش فى امه او حاجه كانت موجوده فيها وميقدرش يعيش من غيرها دا بقى يرجع لذكائك انتى
الحاجه التالته .. %%%%% التمييز %%%%%%
ادم ..... بيلتفت دايما ... للمعامله المميزه ... وتخيلى كمان لو المعامله دى جايه من مصدر انثوى ... باينه فيه الانوثه دى يبقى اعتقد الحاجتين دول مبدئيا ... هما زى المفتاح اللى بيفتح ادم بس جربى انتى مجرد ان يكون ادم فى وسط مجموعه تانيه ...و يا حبذا لو هو بيشوفهم افضل منه ويسمع من صوتك اللى كله انوثه وبيحبه ... انك شايفاه اجمل واقرب واحد ليها فى الدنيا وانه مميز فى عنيكى عن كل رجال الدنيا ... والموضوع ده سحرى التاثير بجد ولو انتى شاطره حيخلى ادم ... يتوه وموش حيعرف يرد باى شكل
الحاجه الرابعه %%%%% الجرأه %%%%%% دااااايما ادم ... بيحب البنت الجريئه ... حتى لو خبى ده هو تركيبته كده ... بيحب البنت اللى بتخطفه بجرءتها والجراءه بتفصلها عن قله الذوق او الصوره الوحشه عن حوا شعره بسيطه جدا الجرأه ... فى انك تكونى محدده ومباشره الجرأه ... انك تكونى بتحتوى ادم بدون تردد الجرأه ... انك يكون ليكى تفكير واسلوب ( مميز ) و( وخاص ) بيكى لكن .... افتكرى برضه انه بيحب التمييز .. يعنى لو جيتى على نفسك شويه دا حيكون ليه تناثيييييييير سحرى عليه ...
الحاجه الخامسه %%%%% الإنصات %%%%%% او بمعنى اصح ..... الاستماع بيفضل ادم عايش طووووول حياته ... يدور على حد يسمعه .... بالشكل اللى هو بيحبه لانه تكوينه انه دايما دماغه بتفكر وبتقرر ... بيحتاج بعد رحله السفر بافكاره دى ....انه يلاقى حد يسمعه .... بدون ما يفكر وهو بيسمعه .. هو بس بيتكلم علشان يخرج كلام وحواء الذكيه اللى تخليه يتكلم ... وتسمع باهتمام ( شديد )كلامه ده حتى لو كان مجرد هلوسه وخلاص .... بس من جانب اخر تحاول انها لو شايفه ان استماعها للهلوسه دى باهتمام بيخليها تزيد ... يبقى لازم تستخدم ذكائها فى فلتره ده وهى بتسمعه علشان ما يزيدش فيه
الحاجه السادسه %%%%% غيرتك ...عليكى %%%%%%
ادم .... بيحب جدا ... حواء الغيوره على نفسها ودى اللى بتخليه حاسس انه بين ايديه اجمل واحلى واشيك مرأه فى الدنيا والغيره على نفسك انك تبقى مقدره قيمه نفسك بدون طبعا زياده عن اللازم يعنى انك تبقى مهتمه بمظهرك وشياكتك وبتحاولى تغيرى منه للافضل كل شويه كمان بيحب جدا تشركيه فى رايك فى لبسك بس بشكل عام هو بيحب جدا حواء اللى بتحس بقيمه نفسها فى كل حاجه وده بيخليه يشوفك احلى بنات الدنيا ويحس بنفس القيمه دى
الحاجه السابعه %%%%% خفيفه %%%%%%
موش خفيفه انك تكونى خفيفه وزناً !!!.... لا خفيفه يعنى ما تكونش هى ..... اضافه ( اختارها ) بارادته لمجموعه الحمول اللى عليه خفيفه... فى بعدها عنه وقت انشاغله او تقديم مساعده بخفه خفيفه .....فى تقديرها جدا لشغله وانه موش قادر فى اللحظه دى يكون حبيبها بكل صفات الحبيب ده بيدوب ادم فيكى ويحيره .. فى ازاى يقولك شكرا باى شكل ويبقى محتار يعملك ايه ولا ايه ... خصوصا كمان لو ( الاخرين ) موش بيقدرو ده
الحاجه التامنه %%%%% ضعفك ... اللذيذ %%%%%%
وبصر على كلمه اللذيذ لان ادم بيحب اوى حبيبته تكون ضعيفه ليه هو بس بمعنى انها تكون حوا اللى شخصيتها محدده وقويه وتفكيرها عالى واحساسها لكن معاه .... تكون شخصيه تانيه مختلفه ... ضعيفه ( بسبب ) حبها ليه وبالظبط اقدر واحده بتمثل الدور ده بكفاءه فى معظم ادوارها منى زكى ... واكيد ده ممكن يفهمك قصدى بالضعف اللذيذ
الحاجه التاسعه %%%%% اقتصادياتك %%%%%% كلنا انا وانتى وهى وهو وكلنا بنحب الاسراف احيانا وبنحب نتمتع بمتع الحياه لكن .... ادم ... بيحب حوا معاه ... بتحب ده جداااااااااا بس بتحبه هو جدا جدا جدا جدا جدا جدا وبيحس بالامان لما يلاقى صوتك بيقوله لا ... خلينا نعمل ده اوفر خلينا نخرج كده افضل خلينا نشترى ده لانه احسن وارخص خلينا نبقى هنا لانى اللى يهمنى انت موش المكان .... كل شكوى ادم اللى سمعتها طول حياتى طلعت عين جيبى ... وكملت على بقيه الجيوب !!!! وصدقينى لو ادم ده انتى اختارتيه كريم فى الاساس حيحس بالمعنى بس ... لكن حيخرجك ويعملك ويشتريلك احلى واقيم واخر حاجه يقدر يجيبها
الحاجه العاشره %%%%% الدلع %%%%%% بتعرفى تتدلعى؟؟؟؟ .... موش شرط على ادم بتعرفى تكونى شقيه ودلوعه بتعرفى تكونى مسليه لاى حد بيقعد معاكى ادم بقى ...!!!....موش اى حد بيقعد معاكى خصوصا اللى انتى بتحبيه بس ( حاسبى جدا ) تختارى وقت غلط تتدلعى فيه عليه وحاسبى ان الدلع عندك يوصل لمرحله متقدمه تخنقه ده بالذات ...بتفصله خيوط رفيعه اوى عن حاجات كتير بتخنق ادم
بس خلاص دول كانو اهم واشهر 10 حاجات تخليكى تدخلى ادم فى حبك وتخليكى احلى واحده فى نظره لكن فى نصيحه عامه بقى موش شرط واحده تعمل كل ده توصل لحب ادم لان ببساطه ممكن العيب يكون عنده هو بس موش معنى ده برضه انك ما تحبيش نفسك اكتر ما تحبيه... علشان تقدرى تخليها تغير وتكمل النواقص اللى فيها موش شرط ... ان كل الحاجات دى تكون موش فيكى والعكس انتى بس يلزمك من دول الحاجات اللى موش فيكى تخليها عندك والحاجات الزياده عن الحد برضه فى نفس الحاجات دى تقلليها للدرجه المناسبه
فى حاجات كتيييييير بتعتمد على ذكاءك انتى ... وتقديرك وتفكيرك ... ودى موش حيقولهالك ( اى حد ) لان بالتبعيه ما حددش حيعرف حبيبك وطباعه اكتر منك
*&* ازاى تملكى قلب حبيبك ومش هو الى يملك قلبك ؟؟ *&*
