موضوع النهاردة مهم جدا لانه هيعلمك ازاى تتقلى ع حبيبك ... طبعا حال البنات اليومين دول ميسرش لانى بلاقى البنت مدلوقه ع حبيبها ولو حبت تتقل دقيقة والتانية وتلاقيها ادلقت اكتر من الاول وده بقى يا حبايبى الغلط لان الشاب لما بيلاقى البنت مدلوقه عليه بيفوكها منها ويروح يدور ع واحدة تانية تدوخه وراها .. طبعا مش كل الشباب فى شباب كويسة بس مش كتير يعنى بحوالى نسبة 10% يلا ماعلينا
خلينى اقولكوا الطرق الى تتقلى بيها ع حبيبك
لما ييجى يتصل بيكى مش تجرى بقى وتردى عليه لا سيبيه يتصل مع نفسه ولما ييجى يسألك ليه مش كنتى بتردى قوليله اى حجة يعنى مثلا مش سمعته مش كنت فاضية حجج البنات المعروفة دى
لما ييجى يتغزل فيكى ويقولك انا بحبك وانتى حياتى ...... الخ مش تقولى بقى وانا كمان قوليله ماشى اوك او ميرسى المهم مش تبينى حاجة ليه
اما تشوفى واحدة واقفة معاه وبتدلع وهى بتكلمه اكييييييييييييد هتولعى وهتكونى عايزة تضربيها وتولعى فيه بس لا ولا اكنك شايفة حاجة طنشى ولو قالك مش سألتينى ليه مين الى انت واقف معاها دى ؟ قوليله انت مش عرفتنى عليها يبقى خلاص
اما يديكى ميعاد علشان تتقابلو مش من قبل الميعاد تكونى موجودة .. اوعى تروحى قبل الميعاد روحى متأخرة شوية واما يسألك ع سبب التأخير قوليله الدنيا زحمة مفيش مواصلات كده يعنى
الشباب دول عليهم حركات واهمها لما ييجى فى نص الليل ويبعتلك رسالة او يكون عايز يكلمك وانتى ياعينى علطول تردى عليه او تتصلى بيه .. وده غلط طبعا .. لما يعمل كده اقفلى الموبايل او اعمليه سايلنت ..
يلا بقى دى اهم الطرق للتقل وانا مش مسؤلة عن اى خناق وضرب هيحصل
